قصه طالب 3 ثانوي

            قصه طالب 3 ثانوي الجزء الاول و الثاني 

احب اعرفكم بنفسي  انا محمد طالب
 ثانوي الشعبه 
علمى علوم 

هحكيلكم انهارده قصه و كمان فيها عبره فى اخر الجزء التاني باذن الله . 

لما نتيجه الثانويه العامه ظهرت و والدي عرف إني جايب 85% . 

 فحاول يعاقبني كسرت الموبايل بتاعي وضربني وشتمني وهزقني قدام اصحابي و اهلى وإتعصب عليا جامد .

لأنه كان حاطط أمل فيا للاسف إني هجيب مجموع يدخلني كليه قمه زي الكليات ال احنا عارفينا زي ( طب ) زي ما كان بيتمني و يفتخر بيا و دا حلم اى أب لابنه.

المهم اتخنقت من حالى و قررت انى اسيب البيت وسافرت عند خالتي في القاهرة

حكيتلها اللي حصل معايا انى جبت مجموع كذا و والدى زعل منى علشان جبت مجموع 85% لقيتها اتعاطفت معايا جدا 

وقالتلي متزعلش أنت عملت اللي عليك

لكن أنا لازم أكلم والدك وأعرفه إنك جيت تقعد معايا يومين علشان ميقلقش عليك دي الأصول بردو ولا ايه رئيك يا حماده ..! 

قلتلها ماشي عرفيه و متخلهوش يقلق عليا 

قلتلى متقلقش يا حبيبي حاضر 

انا خالتي بعتبرها زي أمي لانها ست طيبه اوي ولما بسافر أقعد عندها كل فترة
 بتعاملنى كإني في بيتي دايما تقولي أنا بعتبرك أخو مصطفي وكريم 

خالتى جوزها توفي من خمس سنين وهي عايشه 
مع ولادها 
مصطفي 24 سنه  ... وكريم 27 سنه .. 

بيشتغلوا في مصنع ملابس ورديتهم بتبدأ من 8 صباحاً لـ 8 مساء

قعدت أتفرج مع خالتي علي التليفزيون شويه
وبعد كده زهقت قلت لها أنا هنزل أتمشي شويه
علي ما مصطفي وكريم يرجعوا بالسلامه

قالتلي ماشي خلي بالك من نفسك

نزلت أتمشي شويه لقيت سايبر مفتوح
قلت أدخل أفتح نت أشوف الأخبار وبالمره أفتح الفيس

دخلت السايبر كان موجود فيه 11 جهاز كمبيوتر مشغولين إستنيت أي شخص يقوم بعد ربع ساعه

لقيت الشاب اللي كان قاعد علي الجهاز رقم 7 قام خرج
قعدت مكانه وبدأت أتصفح على جوجل بعض المواقع

أثناء الكتابه علي الكيبورد
لقيتها بتميل لجهه اليمين كإن في حاجه تحتها

رفعت الكيبورد ملاقتش حاجه
لكن لمحت إسم موقع محفور بطريقه بارزه علي الخشب تحت الكيبورد كتبت إسم الموقع ودخلت عليه

ظهرت قصادي شاشه سودا وبعد ثواني
ظهر قصادي صورة لشاب ومكتوب تحتها

" محمد إبراهيم يبلغ من العمر 20 سنه الموت بالتعذيب "

الموضوع كان عادي بالنسبالي في البدايه 

ولاكن لما ركزت في الصورة أكتر لقيت إن الشخص اللي كان قاعد قبلي علي الجهاز هو نفس الشخص اللي صورته علي الموقع الحقيقه مفهمتش إيه الغرض من كده

قفلت الكمبيوتر ومشيت رجعت علي بيت خالتي

لقيت مصطفي وكريم رجعوا من شغلهم سلمت عليهم
وسهرنا سوا مع بعض وحوالي الساعه 11 دخلت نمت

صحيت من النوم علي الساعه 10 صباحا
كانت خالتي جهزت فطار فطرنا سوا

وقعدت أتكلم معاها في كذا موضوع
وإستأذنت منها إني هنزل شويه وأرجع

وبعدين نزلت علي السايبر نفس اللي كان حصل إمبارح الأجهزه كلها محجوزه قعدت علي كرسي

 لحد لما لقيت الولد اللي كان قاعد علي الجهاز رقم 5 قام مشي قومت قعدت مكانه

وكتبت إسم الموقع اللي فتحته إمبارح

دخلت عليه لقيت فيديو فتحته كان عبارة عن :-

" تصوير لأوضه الحيطان بتاعتها مدهونه باللون الأحمر ومتعلق عليها صور لأشخاص في صور معمول عليها علامه x باللون الاحمر وصور تانيه مفيهاش العلامه دي "

الغريب في الفيديو اني شوفت صورة الشاب اللي قعدت مكانه امبارح متعلقه علي الحيطه وعليها علامه x وإنتهي الفيديو وظهر فيديو تاني في مكان غريب لنفس الشاب والدم خارج من جسمه بطريقه مخيفه وإيده اليمين مقطوعه

إتفزعت من  من اللي شوفته وزاد رعبي وخوفي أكتر
و اعصابي سابت لما ظهرت صورة علي الموقع لولد
كان قاعد علي الجهاز اللي جنبي مكتوب تحتها

" هشام فاروق 10 سنين الموت بالكهرباء "

قفلت الجهاز وقومت علشان أمشي وأنا مركز علي الولد اللي قاعد جنبي ومش عارف أعمل إيه وقبل ما أخرج سمعت صاحب السايبر بيكلم واحد واقف معاه وبيقوله

" الله يرحمه ربنا ينتقم من اللي كان السبب

دا كان هنا إمبارح بجد مش مصدق "

قفلت الجهاز وقومت علشان أمشي
لكن فضولي دفعني وسألت بتاع السايبر

قلت له أنت بتتكلم علي مين ؟

قالي شاب اسمه محمد ابراهيم كان كان دايما بيجي هنا

دا حتي كان هنا امبارح كان قاعد علي الجهاز ده

وشاور علي الجهاز رقم 7

لقوه النهارده الصبح في أرض زراعيه مقتول

مبقتش مصدق اللي سمعته ومشيت وأنا في حاله ذهول رجعت لبيت خالتي سلمت عليها و دخلت نمت

صحيت علي الساعه 8 بالليل كان ولاد خالتي رجعوا

من شغلهم قعدت معاهم وسيبتهم ونزلت علي السايبر

دخلت لقيت جهاز فاضي

 كتبت اسم الموقع

ظهر قصادي فيديو فتحته لقيت نفس الاوضه اللي حيطانها مدهونه باللون الاحمر متعلق عليها صورة الولد
اللي كان قاعد جنبي وعليها علامه x

وظهر فيديو تاني لمكان غريب موجود فيه الطفل هشام فاروق 
وهو ميت وفي سلوك كهربه متوصله بجسمه

أنا مبقتش قادر أفهم ايه اللي بيحصل وبيتهيألي إن ده حلم مش حقيقه قفلت الجهاز وخرجت من السايبر

رجعت علي بيت خالتي ليت خالتي ولادها قاعدين

قعدت معاهم ولقيتهم بيتكلموا عن الولد اللي لقوه ميت 
وبيقولوا ان الطب الشرعي اثبت ان سبب الوفاه التعرض لتيار كهربائي عالي

قلت لهم هو الواد ده اسمه هشام فاروق

عنده عشر سنين صح

قالولي ايوه صح انت عرفت منين بقي..!

قلت لهم لا ابدا سمعت واحد في السايبر بيتكلم عنه الله يرحمه

قلت لخالتي انا هسافر بكره البلد بقي

خالتي قالتلي نعم لا طبعا تسافر فين

هو انا بشوفك غير كل فين وفين
قلت لها معلش كفايه كده وهجيلك تاني

ومصطفي وكريم قالولي ياابني مش هتمشي غير لما نزهق منك واحنا مبنزهقش منك اسكت بقي معلش الشغل واخدنا عنك بكره اجازه هنقضيه كله معاك ونخرج ونتفسح
قلت لهم بس انا ..

قالولي خلاص بقي يا محمد انت عايز تزعل خالتك ولا ايه..؟

قلت لهم لا طبعا مقدرش خلاص ماشي

طيب هدخل أنام بقي

الحقيقه معرفتش أنام بسبب تفكيري في اللي بيحصل

فضلت صاحي طول الليل منمتش غير الساعه 6 الصبح صحيت علي صوت خالتي وهي بتصحيني علشان أفطر

بعد مافطرنا قعدت أتكلم معاها

قلت لها بس الشقه دي ياخالتي واسعه عن اللي كنتي قاعده فيها اربع اوض ومطبخ وحمامين وصاله كبيرة و3 بلكونات بسم الله يعني مبحسدش انا بقر بس

لقيتها ضحكت وقالتلي احسن حاجه انها في مكان هادي
دا كفايه لما ببص في البلكونه والاقي الاراضي الزراعيه حواليا منظر جميل
قلت لها بس بصراحه انا بخاف لما بنزل بالليل

لانها في وسط الاراضي وكده بعيده عن المناطق السكنيه

قالتلي انت بس اللي جبان دا انا و ولادي اخترناها علشان في المكان ده بعيد عن الناس ودوشتهم
وبصراحه انا بحب الهدوء

يعني اوضه ليا ومصطفي وكريم كل واحد في اوضه والاوضه الرابعه مقفوله ملهاش استخدام

قلت لخالتي طب هنزل السايبر شويه

قالتلي طب بص خد معاك نسخه من مفتاح الشقه

علشان احتمال انزل اشتري شويه حاجات

قلت لها ماشي خدت منها المفتاح ونزلت علي السايبر

لقيت جهاز فاضي قعدت وفتحت الموقع

لقيت فيديو لنفس الاوضه اللي حيطانها مدهونه بأحمر وكمية صور كتيرة معمول عليها علامه x

معناها ان اللي في الصور دول ماتوا

وفي عز اندماجي لمشاهده الفيديو

قومت مفزوع من علي الكرسي 
لما ظهرت صورتي متعلقه علي الحيطه مكتوب تحتها
" أمير جلال 18 سنه الموت بالغرق "

قفلت الجهاز ومشيت بسرعه
كنت خايف ومرعوب من اللي شوفته
قلت لازم أسافر النهارده

رجعت لبيت خالتي مكانتش موجوده

قلت أستناها لحد لما ترجع وأعرفها إن لازم أسافر
علشان مسافرش علي طول وتزعل

قعدت في الصاله أتفرج علي التليفزيون
الوقت إتأخر وخالتي مرجعتش

لكن لما لقيت الاوضه المقفوله مفتوحه بالصدفه

إترعبت لدرجه اني نزلت أجري بسرعه من البيت

لحد لما وصلت الموقف وركبت الميكروباص

ولما إتحرك بيا إبتديت أطمن شويه إني بقيت في أمان الله 

لكن مش قادر اصدق ولا أستوعب

ان الاوضه اللي حيطانها مدهونه باللون الأحمر
بصور الاشخاص اللي متعلقه فيها

اللي دايما بتظهر في الفيديوهات علي الموقع الغريب

" هي نفس الاوضه المقفوله في بيت خالتي " ...

..............................................................................

الجزء الثاني💗

خالتي لو رجعت البيت وملاقتنيش موجود

هتعرف إني كشفتهم علي حقيقتهم خاصه لما هتشوف باب الأوضه الرابعه مفتوح
 وبالتالي ولاد خالتي مش هيسيوني في حالي مهما كلفهم الأمر هيقتلوني لإني كشفتهم

توقعات وإستنتاجات كتيرة جات في دماغي مبقتش عارف افكر اعمل ايه ..!

قلت للسواق أقف بسرعه  على جنب بعد ازنك 

حاسبت السواق ونزلت ركبت مواصله ورجعت بسرعه لبيت خالتي
لقيت الباب مفتوح زي ماهو

دخلت دورت في الشقه ملاقتش حد موجود
قفلت الأوضه الرابعه تاني وقعدت في الصاله
مش عارف اعمل إيه واتصرف إزاي

في عز تفكيري وإندماجي

إتفزعت من مكاني لما لقيت إيد بتتحط علي كتفي

لقيتها خالتي

قالتلي مالك إتخضيت كده ليه ؟!

قلت لها ابدا كنت سرحان شويه بس

قالتلي معلش يا حبيبي إتأخرت عليك شويه هدخل احضر الغدا

قلتلها ماشي  هتفرج علي التليفزيون علي ما تخلصي

قالتلي أنت رجعت أمتي...!

قلت لها من شويه كده

قالتلي كريم كلمني سألني عليك

قالي إنه رجع البيت يجيب حاجه ومكنتش موجود
قلت لها كنت لسه في السايبر مرجعتش

قالتلي ماشي ياحبيبي هعمل الغدا بسرعه

كده إستنتجت إن خالتي ملهاش دعوه بالاوضه

وإن كريم كان فتحها وتقريبا نسي يقفلها

ولو رجع وعرف إني انا اللي قفلت الاوضه هيتأكد 100% إن أنا كشفتهم علي حقيقتهم

خاصه إني كنت من ضمن الأشخاص اللي هددوني بالقتل ..

مبقتش عارف أنا اتصرفت صح لما رجعت ولا كنت غلطان

 وكان المفروض أكمل وارجع البيت احكي لامي وابويا اللي حصل

لكن مهما كان امي لو صدقت مش هتبلغ علي خالتي مهما حصل عقلي وقف عن التفكير ساعتها

كانت الساعه 4 العصر

لما لقيت خالتي بتقولي ياله يا امير الغدا جاهز

قعدنا نتغدي وفضلت اتكلم مع خالتي

فتحت عيني لقيت كريم ومصطفي واقفين قصادي

وفي دم نازل من دماغي

بيسالوني ايه اللي حصلك وخالتي فين

قلت لهم معرفش احنا كنا بنتغدي

ومعرفش حصل ايه مش فاكر حاجه

مصطفي رن علي خالتي لكن تليفونها مقفول

قالولي تعالي نروح للدكتور قلت لهم بلاش انا هطهر الجرح

ثم هو سطحي بس انا قلقان اوي علي خالتي  قومت دخلت الحمام غسلت وشي

سمعت صوت كريم بيزعق في الصاله وبعدين خرجت بسرعه قلت له في ايه

قالي واحد بعتلي رساله من تليفوني امي ومصورها

وهو مكتفها وطالب فديه مبلغ كبير اوي

وانا مش معايا المبلغ ده هعمل ايه

مصطفي زعقله وقاله ملناش دعوه لازم نتصرف

مش هنسيب امنا كده

قلت لهم خلاص نبلغ الشرطه وهي هتتصرف

لقيت مصطفي وكريم اتفزعوا وقالوا لا طبعا

قلت لهم ازاي لازم نبلغ الشرطه طبعا لو معملتوش كده

انا هكلم امي وابويا اعرفهم اللي بكل حاجه فاهمين

لقيت مصطفي قال لكريم تمام ماشي إنزل مع أمير

وبلغوا الشرطه وانا هستني هنا

قلت له طيب ثواني اغير هدومي وبعدين دخلت الاوضه غيرت هدومي بسرعه 

لقيت كريم بيقولي جاتلي رسالتين حالا من تليفون امي

من الشخص اللي خطفها

بيقولي فيها

" القسم متراقب لو حد منكم فكر يبلغ الشرطه

الصورة الجايه هتكون جثه امك "

والرساله التانيه كتب فيها

" ولو عايز نتفاوض قابلني حالا لوحدك في مزرعه الفراخ المهجورة اللي ورا بيتكم وبلاش تعمل قلق علشان متندمش "

لقيت كريم انهار وقال لمصطفي انا هنزل حالا

وخليكم هنا وهرجعلكم محدش يبلغ الشرطه و لقيت مصطفي دخل اوضته

سيبته ونزلت من البيت بسرعه اجري و مبقتش عارف انا رايح فين لكن بجري وخلاص

" أنا كدبت في أقوال كتيرة قلتها في تحقيقات النيابه

لكن مش هكدب في اللي هقوله ليك حالا

أنا فاكر أول مره زورت فيها خالتي لوحدي كنت في أولي ثانوي ولاد خالتي

عرفوا إني عندي خبره كويسه بالإنترنت

إتفقنا مع بعض إننا نعمل كده في الشباب و نرعبهم بالموت عن طريق الانترنت وبعدها نقتلهم وبعد كده نسرق اعضائهم 

و كنت بعترف و انا ندمان و خايف من عقاب ربنا فى الاخره

انا انا معرفش وافقتهم علي كده ازاي يمكن علشان اغروني بالفلوس وكنت صغير وساذج او عملولي غسيل مخ مش فاكر

لكن اللي فاكره اني اقنعت خالتي انها تنزل معايا .. وقتلتها في مزرعه الفراخ القديمه وسرقت تليفونها

واخر رساله بعتها لكريم اجبرته ينزل لوحده
من غير مصطفي استغليت دخول مصطفي اوضته ومحستش بنفسي الا وانا بطعنه بالسكينه في كل حته في جسمه

نزلت زي المجنون جريت ورا كريم حصلته ناديت عليه شافني جري عليا

فضلت اطعن فيه بالسكينه مرتحتش غير لما قتلته

كنت بطعن خالتي و ولادها بكل انتقام

كنت بتخيل الشباب اللي كنت شريك مع خالتي و ولادها
في قتلتهم خالتي فرحت بالفلوس والشقه الجديده

والعيشه اللي مكانتش تحلم بيها

انا معترف بذنبي ومعترف اني قتلتهم
ولو كانوا لسه عايشين ههرب واقتلهم تاني
لانهم كان في نيتهم الغدر ليا وعايزين يخلصوا مني
وضيعوا شباب كتير علشان خاطر شويه ورق
أنا اللي دمرت نفسي مش هما
ياريتني ما سمعت كلامهم أنا ندمان ندم عمري
ده اخر كلام عندي يا سياده القاضي "

تم الحكم علي المتهم محمد جلال بالإعدام شنقاً

العبره من القصه دى ال عايز اقدمهالكم
 ان لو ابتديت فى الغلط حاول بقدر ما تقدر انك تتراجع عنه 
لان صدقونى الشئ التافه لو كبر فجاه هيكون زي النار المشتغله صعب تطفيه 
 انت فى بدايتها حاول تتراجع عن الغلط ولو حتى انك تفعود مع حالك .. و تفكر مش عيب انك تغلط و تتراجع عنه 
. بس العيب انك تغلط و تستمر فى الغلط . 
وكمان متخليش اي حد يغسل عقلك بكام كلمتين و فى لحظة الشيطان يطمعك و المشكله تكبر و تؤدى يا للقتل او الانتحار 
لان مش هيبقي ليك اى اختيار تانى ان مقعدتش مع نفسك و راجعت اخطائك و قرارك 

دمتم بخير ❤