-------------------------------
تعالى يا ست الكل بقي هنا
احنا عارفين انك مهتميه بعمل الكبده البلدى و ما اجمل الكبده البلدى يا جميل
دلوقتى هنقولك على اسرار كبده البلدى للمحلات..
أولا نقسم بالله العظيم اللي أعظم من الدنيا كلها ان اللي هنقوله دلوقتي هو ده السر بدون حجب أي معلومة و بنقول السر علشان فرحانين بعد ما نجحنا بساندوتش ب ٥ جنيه و معترفين إن واجب علينا نشجع و نساعد كل الشباب يفتحوا مطاعم و نكون سبب في نجاحهم حسبة لله
..................
١- السر الأول لنوع الكبدة....
لازم تشتري كبدة نوعها اسمه 3d سعر الكيلو 32 جنيه بتشتريها من أي محل لحوم مستوردة....وده أغلي و أنضف نوع في الكبدة المستوردة كدا تمام يا ست الكل ...كبدة أمريكي مدبوحه حلال....النوع ده طعمه مسكر بيدوب و انت بتاكله....لأن العجل بيبقي صغير في السن....
.........
٢- السر التاني تقطيعة الكبدة
لازم تقطع الكبدة قطع تكون رقيقة زي البفتيك و في نفس الوقت كبيرة زي اللي في الصور كدا تمام ..
...........
٣- السر التالت كمية الزيت.....حطي 150 جرام زيت في طاسه كبيرة تكون نحاس أو ألومنيم و طبعا النحاس وده افضل بقي لان بيدي طعم للكبدة خطير....سيب الزيت 3 دقايق لحد ما يقدح...طبعا هتقولوا ان الزيت كتير....ده سر من الأسرار...لازم يكون كتير
.............
٤- السر الرابع الخلطة.....
انزل في الزيت ب 10 جرام توم مفروم +10 جرام ليمون + 5 جرام خل
...................
٥- السر الخامس التوابل......
انزل بكيلو الكبدة و فوقيها فورا توابل 30 جرام ملح + 17 جرام كمون + 3 جرام فلفل اسمر+ 5 جرام شطه + واحد جرام ورق لورا مطحون + نصف جرام حبهان.....لازم التوابل تنزل فوق الكبدة فورا علشان الكبدة تاخد من طعم التوابل
.................
٦- السر السادس توقيت نزول الفلفل......
قلبي بالراحة خاالص علشان متتهريش منك وهي بتستوي
...بعد ما الكبدة كلها تبقي رصاصي فاتح جدا انزل ب 350 جرام فلفل رومي + 10 جرام توم مفروم تاني + 10 جرام عصير ليمو ن تاني + 5 جرام خل و قلب لمدة 3 دقايق و بالهنا و الشفا....
دى الوصفه يا ست البنات .. لو عجبتك متنسيش تعملى مشاركه -Share
علشان تفيدى اصحابك
دمتم بخير
